我的新玩具

哈哈，smart fortwo!

雲貴園食店

主打米線，不過佢有越式撈檬和飯類，我點了香茅豬扒飯，豬扒好香又唔會太乾，葱油好香，正！$26/碟飯，抵食！

上海空運大閘蟹

WOW今日新鮮運到的大閘蟹！

手工豬肉餃

嘩！好大好飽滿的豬肉餃，超好食！

麵醬雞翼

今日放假，所以有時間煮野食，我今日煮麵醬雞翼，甜麵醬丶原糖丶少少蠔油丶意大利香草少許丶雞粉1茶匙，加水炆，就係咁簡單！

尖沙咀扺食日本午餐

美麗華商場2樓近office lift lobby有間日本料理幾好食，價格亦尚算合理。如果要抵食，可以選擇向午飯時間去食set lunch，set lunch的選擇好多，有拉麵又有壽司定食，唔想食壽司定食的話，可以選吉列豬扒定食或窩飯之類，我今次選了吉列豬扒定食，因為我好鍾意食吉豬，套餐非常豐富，配了麵豉湯丶前菜丶蒸蛋同埋飲品。吉列炸得岩岩好，飯夠熱，蒸蛋好滑值得一讚！成個餐盛惠$60，抵！

哈佬喂桃哈多條

今年桃哈多出左哈佬喂限定版，大家快d試下喇！

土瓜灣潮州私房菜

這間私房菜叫四點金，唔係樓上舖，係街舖黎既，最好味既餸有蠔餅丶古lo粿肉丶手c雞丶凍烏頭丶胡椒豬肚湯！今餐埋單$400，抵食！

醒胃的越南撈檬

今日去左越棧，打開餐牌睇，唔想食太飽，就揀左豬扒撈檬，服務員把豬扒撈檬送到。賣相唔錯，不過豬扒冇香茅味，香葉得一片@@好在個酸汁好同埋大大樽任我落，檬粉做得好，所以都算好食，$38價錢唔貴。

好味香脆的烤雞漢堡包

今日約了萍萍去沙田行街，因為她要去做facial，所以我自己走去食粥，我在粥麵選了雅座，坐在我對面的是從上海來港旅遊的女孩，她見我在找餐牌，剛好她拿著，她很有禮貌地說一齊看吧，我說好呀:)我跟她說這店比較好食的是牛腩牛根和魚蛋粉，她就點了魚蛋粉。她是第一次來港，所以我介紹了幾家食店和化妝品店給她。她吃完，就跟我道別。

我吃完粥，我行去搵萍萍。我地先到新城市廣場3期開始行，然後沙田廣場沙田中心丶好景商場。我們行到新城巿累了又餓，我們去了Trip-O，我們點了烤雞漢堡包和汽水，打開包裝紙看到好大的漢堡包呀！咬落去面包好香好脆，生菜蕃茄好新鮮，醬汁和烤雞肉真是好好食！包的份量好大，咬的時間咀要張大！！好好食呀！

老闆的禮物

今日老闆從加拿大到港，他今早的meeting是密麻麻，輪到我入去開會，老闆好好nice，帶了加拿大最出名的酒莊Inniskillin的ice wine pack, WoW，thank you Boss!好開心:)

馬騮食生果

哈哈，星期日無乜嘢做，不如去馬騮山睇馬騮喇^.^今日天氣好好，唔知會唔會太熱馬騮去左水塘玩水。

Wooooooooo,去到竟然有幾隻馬騮，好cute! d大馬騮食生果，慢慢食，d細馬騮就向度等睇下有冇食剩的生果執黎食。

榮昌茶座Lotus Cafe

今日下午見冇乜野做，就揸車去上水的榮昌茶座食下午茶，榮昌位於粉錦公路蓮塘尾村11號。這個茶座有五十年歷史，當然，今時今日佢地有裝修過喇！

我叫了雞扒漢堡包丶繽紛比得包丶凍即磨咖啡和紅豆冰，據說這裡的豬扒包是鎮店之寶，不過我今日唔想食豬扒。

雞扒薄薄一片配了芝麻菜和蕃茄，幾fresh！比得包內是煙肉和菜，都好好食。凍啡就冇乜特別，紅豆冰是大大粒紅豆，不會太甜，唔錯！

茶座門前可以泊車，在上水站亦可以坐小巴到達。附近有慈康農圃和樂活有機農場，平時成日向市區或者行商場，放假可以來新界輕鬆下。

端午節前去shopping

今日早上執下屋同埋整理下冬季衫，下午去了旺角行街，行行下見到有好多iPhone殼，好靚，我買左幾個。跟著去了鑽石山荷里活廣場，買了3條褲，又去了茶樓食晚飯，好好味，之後就返屋企Lu~

沙田廣場總廚

今晚去了沙田廣場總廚食宵夜，碟碟$28起，我以為會細碟d，餸來了，又唔細碟喎！味道亦唔差，可以話扺食！

小盤栽

今日行過日本城，見到有小盤栽賣，我見有幾款都好岩室內哉種，幾盤都好靚，咁我揀左一盤叫碧玉，我覺得望落去好舒服。

廣源村對面的榮發小廚

琴晚去了廣源村對面的村屋，那裡有間叫榮發小廚的食店，小菜價格大眾化，食物煮得好味。推介：炸墨魚餅(成個乒乓球咁)丶白灼蝦丶生炒骨。

精彩的宵夜火鍋

今晚約左華哥全家同家姐姐夫去海港食宵夜火鍋，嘩，真係好抵，$28有6隻生蠔，$58有半打，好多好多好抵食！

南瓜紅蘿蔔粉葛湯

今日要返工，冇乜特別野要做，等到收工，我搭車去大埔墟寶湖花園街市，去做乜？買花嘛，今日想插花，不過未諗到買咩花。去到我見到好多好靚既蘭花，不過我想買一支支既花用花樽插呀。我睇左幾檔花檔既花，終於決定買紅玫瑰丶百合和少少襯花，好開心，買完搭車返屋企煲湯。

今日煲南瓜紅蘿蔔粉葛湯，材料好簡單，紅蘿蔔1條丶粟米1條丶南瓜約500克丶粉葛500克丶赤小豆1兩丶豬展約600克，將所有材料洗乾淨丶切件，放入煲，加水煲滾後轉慢火煲2小時，落少少鹽調味就攪掂。南瓜紅蘿蔔營養豐富，粉葛赤小豆好岩今日咁熱既天氣飲，成個湯好甜，一家大細都岩飲。

不錯的防水捷毛液

前幾日趁食午餐的時間，我去左買防水捷毛液，坊間有好多大小品牌都出防水捷毛液，我應該買邊隻好呢？真係有點心大心細。我以前都試過好幾個品牌，都有出現溶溶地，攪到有熊貓眼＞.＜!今次我試下lee隻牌子，我好耐之前有支藍色，印象中係冇咁易甩色。好，就買一支黑色！

又係Colourmix開倉的收獲

米又Colourmix開倉的收獲, 今個月係咁幫襯Colourmix, 愛死佢呀因為d野太平, 恨佢因為洗晒d錢!不過我靚左!!!!

少甜的老婆餅

琴日收工搭火車，在沙田站見到元朗大同餅家的店傳來香噴噴的味道，我行過去睇下，原來是熱騰騰的老婆餅，我決定買1打。老婆餅皮很香很脆，外貌同平時我見果d唔同，咬落去皮薄層次較恒香或榮華果d少，不過冬瓜茸餡係少甜，正，一次過食2個都不覺得太甜。

你睇d餅幾靚！

好香的咖哩牛腩和咖哩班塊

今日收工我約左萍萍向沙田第一城食午飯和行街，我地去到一間叫金和閣的茶餐廳，餐牌上面有好多野食，果度仲有脆豬扒飽和奶醬脆豬。我同萍萍叫左咖哩牛腩和咖哩班塊丶凍檸茶和凍啡，凍啡好味，咖啡係煲仔上碟，份量多，熱辣辣仲好香咖哩味，牛腩夠冧，薯仔好入味，班塊出奇地好味，冇雪魚味，正，值得推介比朋友。價錢係$42跟飯，跟餐叫飲品係半價，價錢算唔貴。

食飽後，我地向第一城商場行街街，萍萍同我都買左野^.^好開心^.^

Colourmix開倉

昨天去了colourmix開倉，d野真係好抵，Biotherm cleansing milk 400ml $78, Lancome waterproof mascara $66, Olay total effect $66, skin79 BB cream $80...另外，我買左香薰原價$3xx現售$100,抵!

果度仲有好多產品都係好好好平，開倉至到3月31日，姊妹切勿錯過!!

大埔有特式的意大利餐廳

昨晚在大埔突然很想食意大利菜，聞說仁興街有一間意大利餐廳，這條街在舊區中，很難想像會有一間意大利餐廳。那間餐廳叫Lanciano Ristorante,很別緻的店名，餐廳面積不大，裝飾及擺設也很配合意式。

我點了烤雞肉雜菜沙律丶龍蝦芝士意大利飯和香草牛膝，服務員給我意式餐飽丶油和黑醋，餐飽是熱的，好香軟，配上油和黑醋真是好吃！龍蝦意大飯上碟賣相一流，芝士汁和龍蝦味很濃，飯我覺得硬左少少，整體上是好食。牛膝份量好大，岩4人食，原粒糊椒帶上獨特香味，當然還配合汁和薯蓉一起吃喇！牛膝煮得好冧丶入味，值得推介。

服務員態度很好，廁所很清潔，因為通常在舊區小店的廁所都只是一般的清潔程度，這裡是很清潔啊！

因為昨晚好肚餓，所以掛住食冇影低所叫的食物，不過我會再去幫襯，到時再影過喇!

圍村婚宴

哈，我估唔係咁多人參加過圍村婚宴，通常圍村擺酒會在日頭擺，分為早餐同埋主酒席。活動有燒炮杖丶舞獅丶接新娘。

早餐太約在11點幾開始，有飯丶有菜丶有客家炆豬肉丶客家煮魚鰾丶雞丶炆冬菇等等，我覺得應該叫早飯或者午飯就差唔多！我樣樣都有食，炆豬肉真係唔錯。

食食下原來到會來左，圍村人所指的係請人返來煮中式喜酒，酒席通常係3點左右開始，有廚師即埸起爐燒乳豬，餸菜方面仲有生菜丶炸子雞丶魚丶炆芋頭...等等，嘩，好多野食。

瀝源邨舊式茶餐廳

今日午飯時間，我搭車去沙田探索下一間舊式茶餐廳，有幾舊式？我覺得囉，有中學生飯堂feel。間茶餐廳向瀝源邨，叫榮樂，果度午餐時間可以叫早餐，早／午餐$23，餐有餐飽跟煎雙蛋或者火腿奄列+火腿通或者叉燒意配熱飲，咁餐飽可以轉雞尾飽／菠蘿飽／奶油多，哈，火腿通粉又可以轉沙爹牛麵／米！麵包真係好新鮮好好味，雖然$23但係份量冇話好細份過，檸茶有4片檸檬架!

總括來講，抵食好味！

情人節

今個情人節有乜特別？

我參加左The One商埸的《The ONE sky messenger空中蜜語》，今晚8：04在The One的頂層大型LED展示屏播放我的１分鐘情深信息!

我的訊息一定會傳到我的情人度既:) 今年參加lee個活動好正，佢好開心同埋好感動呀:)因為掛住睇冇拍低添!

除左lee樣，我仲準備左情人節蛋糕!

我的老友

哈，估唔到呢，係呀，就係馬騮喇!因為冇時間去馬騮山睇馬騮，所以買馬騮公仔陪我喇:)

年初三的晚餐

年初三是赤口，今日冇去拜年，晨早起身去左飲西茶，我下午去左三宮廟拜神，初三拜神係幾好:)好多人唔知乜野係三宮，三宮係天后丶關帝和孔子!

拜完神就返屋企午睡。

瞓醒諗下去邊，最終選擇去荃灣行陣街，跟住去Fat Angelo食大餐，嘩，真係好好味!意式凍肉拼盤丶炆牛肋肉丶燒朱排骨丶salad和包，好開心呀。