薯仔生果沙律

琴晚整左薯仔生果沙律，今日下午買左蕃茄仔丶拳頭咁的檸檬丶同埋食擔擔面

炸醬麵@四海遊龍

路過牛頭角見到這家台灣麵店，即管叫左碗炸醬麵配凍酸梅汁，麵質算一般，炸醬和配菜撈勻夾著麵條就非常之好，酸梅汁夠酸，地方乾淨。

牛頭角的雲南米線

這間的小鍋米線有好幾款，味道同譚仔係好唔同，濃郁的酸辣味，酸菜夠酸，餸料好多，好野味！

和亭的午餐和La Kaffe下午茶

琴日去左沙田和亭食午餐，我揀左泡菜牛肉石煱飯定食($39)，真係好熱辣辣，正！泡菜和醬料撈埋隻蛋，味道真係Good!定食配埋沙律和面豉湯，加$5可加配特飲，這個價錢配食物質素，係抵！

到左3點3，食tea喇！我去左La Kaffe,揀左芝腿牛角包餐($32)，我老友揀A1餐($39),我地改特飲coffee jelly chocolate另加($14)，都好好味！

Relaxing afternoon

近來工作忙到飛起，有時仲出現記性差，這種情況好少出現，因為我算出名記性好，所以不如星期六約朋友逛逛街抖下。

好耐冇見Apple,終於大家就到時間出來。下午我地去沙田中心譚仔食米線，之後行街，沙田真係超多人，我地睇下衫同小飾物，行到累我地走左去Pacific Coffee，我地叫左什莓迷情同熱情果沙冰，飲飲下有個女人走埋來問Apple果杯係乜，我地答佢係什莓迷情，跟著個女人拎住杯凍啡走去counter,我同Apple講果個女人支飲管插左落杯咖啡度應該佢飲過，佢可能飲左唔鍾意走去換@@結果真係，佢拎住杯什莓迷情行返來！乜有啲咁既人！

行到6點幾我地走喇，我去百佳買野今晚整沙律食！