又一城的rice paper

今日中午向又一城的rice paper食午飯，set lunch都有好多選擇，我選了拼盤丶手撕雞河和熱青檸蜜，賣相好好，味道都唔差，值得一試。

又一城food court的韓國餐

今日去左又一城food court,見到有韓國食店，行埋去睇下先。有十幾廿款午餐供選擇，我揀左泡菜豬肉石頭飯加熱柚子茶，共$44。

石頭飯熱辣辣，泡菜好香味又好，豬肉片都好正，好味！

橙色Winnie the pooh

哈哈，見到橙色Winnie the pooh好襯我架車，即刻買左佢，放向車，靚曬！

買左韓國護膚品

今日去左荃灣千色店逛下，見到有韓國護膚品做promotion,我見過lee隻牌子啲人話唔差，所以我買來試下，今晚開始用，睇下用一星期會點先

好味的忌廉泡夫和糯米糍

今日去左筲箕灣東大街食切腩撈粗和淨魚旦，然後去左太古的Jusco,見到好味的忌廉泡夫和糯米糍就買左10個泡夫半打糯米糍做下午茶！

晩上當然係一家人食年飯喇^.^

換左靚靚Brabus鈴...

哈哈，終於換左Brabus鈴，換埋tires!靚曬！

好靚的hello kitty iphone殼

Woooo,岩岩收到好靚的hello kitty電話殼

好味的mocha

Vienna送比我的mocha咖啡，今晚試沖，就咁加滾水，已經好有泡沫，味道濃郁，唔太甜，大家不防一試！

大坑房協會所晩膳

淨係睇相都覺得好味呢！
有蜜薑雞丶桂花糖炸筒蠔丶咕嚕鬼馬油條丶蒸海斑，豉油蝦碌丶甜品...不能盡錄，食左先！

有機菜意式沙律

做法相當簡單又健康，去超市或者有機菜店買一包沙律菜包，或者自己挑選蔬菜，把各種蔬菜洗淨，切小件，加入少許鹽丶意大利橄欖油丶意大利黑醋丶少許黑楜椒，拌勻，攪掂食得喇！

晚飯在沙田新城市廣場的小南國

琴晩同埋朋友去左沙田新城市廣場，去到見到中央整左個好靚的賀年佈景，好多人向度影相，我都影埋一份^.^

接著，乘電梯上7樓，上海小南國餐廳食飯，我地叫左䓤油海節頭丶海節沙律丶糖醋骨丶醉鷄丶鴨舌丶紅燒肉丶清炒蝦仁丶黃金蝦丶蟹粉魚肚丶小黃魚丶醺魚丶蟹肉扒菜遠丶醬燒鴨件丶魚羮丶煎八寶飯丶炸芝麻湯丸丶炸南瓜湯丸。每個餸都好好食，特別推介黃金蝦丶蟹粉魚肚丶炸湯丸。黃金蝦用大蝦煮，所以啖啖肉。蟹粉魚肚鋪滿金黃色蟹粉，好野味。炸湯丸外脆內軟，咬一口餡料慢慢流出，正！

以上咁多餸我只影了幾張，因為太肚餓掛住食！

荔枝角的下午茶餐

荔枝角係一個工廠區，買野食野算比其他商業區為平d，不過選擇方面一定很冇咁多，食野方面多數係一些食堂或者茶餐廳，不過咁唔代表冇好野食。今日去左近地鐵站的一間茶餐廳食下午茶，干牛河炒得好，杯茶仲正，好滑又有茶味，坐位都算企理舒服，值得一試再試！

再黎多架開蓬版smart fortwo

因為揸過天幕版smart fortwo之後，真係覺得好好玩，又超慳油，所以買多架開蓬版玩下。

當然，我都會將佢大改一番！

有型狗開工中

早2日向荔枝角大南西街circle k門口見到一隻狗，身穿police衫帶住有型黑超，唔理有幾多人行過，佢都照樣坐定定，shu佢都唔理，佢十足十當緊更！