新鮮有機農場雞蛋

哈哈，今日好好彩，有嘉道理農場出品的新鮮有機農場雞蛋！

大埔晩飯聚會

琴晩去左大埔海港酒樓同朋友食晩，大靑班特價$78/條，羊腩煲配生菜$68，蒜泥拍青瓜丶溏心蛋丶海捷分蹄這些小色都係好平，蜜汁豬軟骨$58，蟹腿上湯浸菜苗$48，野菌炒牛肉$58。

條大班上碟，嘩，好大條呀！

沙田行街街

今日天氣仍然都係陰天，間中有雨。

我今日瞓到11點左右起身，見岩岩冇落雨，所以開車出沙田行街。我泊左車落第一城，先去金禾閣食野，今日午餐都唔岩我心水，所以揀左快餐，台式肉燥豬排米線加火腿奄列配牛油法包加熱檸茶，份量都多，食唔曬咯！

食飽，我走左陣第一城，之後搭地鐡去沙田行街。我去左大百佳，wooo,椰子雪糕特價！我之後再去一田超市，好多人！向百佳買左無核青提，一田就冇買嘢。我搭地鐵返第一城之前，去左大同餅家買老婆餅同雞仔餅，正！去拎車返屋企，咁又一日！

APM留影

行過APM見到幾得意所以影低！

流浮山海鮮餐

Wooooo~又係時間去流浮山邦記番餐海鮮餐，今晚去到已經冇曬蟹丶蝦同鮑魚！！我點了龍蝦丶炆魚丶煎蠔丶灼蠔丶椒鹽海上三寶丶蝴蝶蚌丶蟶子等等...超美味！

好用面膜

今日走去買左這款面膜，撕開包裝袋，拎塊面膜出來，面膜好濕，size都唔太大，幾貼面，乎左15分鐘，woooo,水嫰嫰的皮膚呀！

食大餐

今晚比較收得工，可以約埋朋友去食大餐，我去左沙田富臨，叫左好多野食，仲有叫左海底椰川貝鷓鴣湯^.^

Mini Cooper龍車@又一城

哈哈，又一城而家擺放左幾架由大學生設計的龍年mini cooper車，成隻醒獅咁，都幾有趣！

今晚的宵夜

蜜糖哈哈大笑做宵夜

板前午膳

今日去板前食壽司，味道幾好，不過硬係啲飯團散散，一夾就甩開，比想象中差，價錢方面一啲都唔平，食唔飽都成舊水！！