好開心同龍太龍少爺一齊食飯同埋佢地同我celebrate我生日，多謝多謝！
見到這個cake已經覺得非常吸引，外層包住朱古力漿灑了金粉，蛋糕上面放上大大片的黑朱古力塊和黑朱古力造的圓筒型裝飾，都有灑上金粉，蛋糕底邊有一些小小圓朱古力脆粒，整個造型已經叫朱古力愛好者為之心動！
切開內層是厚厚的朱古力慕絲，朱古力慕絲厚而濃密又夠滑，不會是忌廉那種太軟身的質地。底部是朱古力蛋糕。吃起來時非常有口感，而且那些小脆粒在軟滑之中也給你好有趣的感覺，整個蛋糕能與酒店級蛋糕相比。
今晚我地去了囍慶酒樓，woooo，大魚大肉的晚飯！犀利，我地叫左東星丶素鵝丶脆豆腐丶海哲丶海蝦煲丶薑蔥蠔煲丶冬瓜上素燴丶紅豆沙，真係超豐富！條魚我掛住食唔記得左影相，哈哈，魚肉鮮嫩又滑，素鵝丶脆豆腐我至愛，海哲比較一般。海蝦煲有粉絲底，粉絲吸哂海蝦味，正！
薑蔥蠔煲係用筒蠔，好肥好大，熱騰騰啫啫聲，好香好野味，蠔又多汁不會煮過頭。
冬瓜上素燴值得一讚，好清甜，中間的素料有栗子丶粟米粒丶冬菇丶蓮子，炒得好香脆，淋上芡汁，非常美味。
紅豆沙有好多紅豆，不會只有糖水，甜度也剛好。
整餐飯真美味。
