扺食又好食的二人餐 - 元朗八鄉南苑海鮮酒家

今晚見收工唔太夜，就入元朗食飯。
我地叫左2人餐，4餸1湯，原價$266，特價$138。

先來一大窩老火湯，白菜菜乾瘦肉豬肺，嘩，好好味，好夠火候。

上湯什菌煮菜苗，今晚菜苗係莧菜，味道唔咸好清，不過莧菜幾多渣，什菌都好味。

炸豆腐，唔洗講睇下係一磚磚黃金色，好熱騰騰，外脆內軟，仲好香豆腐味，好好好食！

芝士牛油焗海中蝦配南瓜底，好香芝士牛油味，海蝦真係中size，唔係基圍蝦，咬落肉質好正，啜埋個汁真係正，南瓜條都好淋。

原本應該是油雞，不過賣曬比左切雞，雞肉好滑，正。

順帶一提，坐低侍應比左醃青瓜和花生，個醃青瓜好入味好爽，好好味。