大埔橫街中的小cafe店

今日中午收工向大埔墟，唔想食通粉又唔想食咖哩，就周圍行下行下，見到這間小店，我見到都好多人，我估應該食物唔會差吧。

我坐低望下四周的人食緊下午茶餐，我就睇下有乜揀。下午茶餐都好多選擇，有一般的面餐，不過我見好多人叫吉列豬扒丶魚柳丶薯角丶薯條丶沙律⋯牛角包好靚仔的牛角包，我就揀魚柳牛角包配沙律，等呀等呀，wooo，好香的牛油味，好大個包，一切落去feel到個包好鬆脆，魚柳熱到出煙，一啖放入口，連埋d蔬菜一齊食，好爽又脆口，魚柳外皮脆口而內𥚃的肉質好軟滑，沙律醬不多不少剛剛好，估唔到一間小店有咁好食的牛角包！

雜果沙律係鮮果而不是罐頭雜果，小店真係有誠意。

我跟餐的飲品我點了咖啡，因為係即磨咖啡，wooo，咖啡都係做得不錯！

下次要試下吉列豬扒配薯角。