大埔萬利餐廳經濟扒餐

今晚去左大埔萬利餐廳，晚市飯餐都有差不多十款選擇，另外仲有一本鐵板扒餐的餐牌。

我今次選了茄汁炸蝦雞扒飯配凍啡($42)，另外叫了大大牛骨扒鐵板餐丶忌廉湯丶餐包配紅豆冰($114)。

點餐前我已經問過係米鮮茄，侍應話係，不過一見到碟飯就知唔係鮮茄，蕃茄都冇一片，不過茄汁都唔太差。炸蝦好脆好食，雞扒煎得好香且調味都好，值得一讚係個飯，飯煮得好而米有一點飯香，令我胃口大增。飯餐加$4可以飲凍啡，是細杯，味道很香濃。

大大件牛骨扒鐵板配有薯角丶西蘭花丶雜菜和蒜蓉汁，牛骨扒真係好大件，仲要係2件，正又好味，薯角沾了蒜蓉汁好好食。忌廉湯一般，餐包好熱辣辣，配湯一齊食係絕配！

紅豆冰的紅豆好大粒，豆冰不會過甜，夠凍，正！

以這個價錢，唔可以話好平，但是可以叫做經濟。